Na shukr Insan[hadees e qudsia]Roman english

Farzand e Adam!

Jo dunya ka hareez hojaega wo mujhse(Allah)door hojaega,

or dunya me pareshani or aqirat me mashaqat ke alawa kuch
na pa sakega or parwardigar bhi us ke dil par esa ranj musallat
kardega jo kabhi khatm na hoga,or esi faqeeri dedega ke kabhi be
niyazi hasil nahi kar sakega,or esi umeed me mubtela hojaega jis ka
mud'ah kabhi hasil na hosake.
Farzand e Adam as!

Teri umr rozana  kam hoti jarahi hai or tujhe qabr bhi nahi horahi hai
or tera rizq rozana araha hai or tu shukr e khuda bhi nahi kar raha hai.
Na to qaleel se qa'naat karta hai or na kaseer  se shikam sair hota hai.
Farzand e Adam as!
Jab koi  naya din ata hai to terey pass mere tarf se Naya rizq bhi ajata hai.
Magar jab koi raat ati hai to Farishte teri taraf teri buraiyoun ka  daftar
lekar ajate  hai.
Tu mera hi rizq khata hai or meri hi na farmani karta hai.
Magar uske baad bhi jab tu dua karta hai to me qubool kar leta hoon.-

Mera khair teri taraf araha hai.or tera shar meri taraf araha hai.
Dekh me kya behtareen Moula hoon
Or tu mera kitna badtareen banda hai.

Tu mujhse mangta hai to me ata kardeta hoon or phir terey buraiyoun
ko chupa  ta bhi hoon.

Me terey halath se sharmata hoon
Or tu apne gunahoun se nahi sharmata hai
Mujhe bhool jata hai or ghairoun ko yad rakhta hai.
Bandoun ke at'aab se khouf zada  rehta hai or merey gazab
ki taraf se apne ko bilkul mutt'maen  bana leya hai

REF-hadees e qudsia[a.Zeeshan haider].p.51