imam mahdi as ke zahoor ke bad kya hoga?[ROMAN ENGLISH]

 وَلَهٗۤ اَسۡلَمَ مَنۡ فِى السَّمٰوٰتِ وَالۡاَرۡضِ طَوۡعًا وَّكَرۡهًا
Ale Imran83



Tamam asmani kitaboun me Imam Mahdi as ke zahoor ka tazkira hai .

Tamaam Anmbiya as  or auliya ne in ke zahoor ka intezaar kiya hai .
Lekin Imam Aali Muqaam  ki gaibat kab  khatm  hogi or Allah swt
kab inko  zahoor ki ijazat  dega?

Iska ilm sirf Allah swt ko hai.
Surah araf.187

Is bina par jo bhi Imam as ke zahoor ke leye khaas waqt mu'eyan
 kare wo JHOOTA hai.





Imam Mahdi as  ne ek  tauqee me irshad farmaya :
ZAHOOR KHUDA KE HATHOUN ME HAI , ZAHOOR KA WAQT 
 MU'EYAN KARNE WALEY JHOOTE HAI.
kamaluddin.p484

Lekin ye bhi ek haqiqat hai  ke Imam Mahdi as  ki ghaibat
 (ye zamana shio ke mushkilat ka zamana hai)
 Ke tamam hone or zahoor ke nazdeek  hone me duaon ka khaas
 asar hai.

Kyunke Allah swt  ne Bani Israel ki nala or faryad   or dua wa
 isteghasa  ki bina par  inke azaab ke jo 400 saal  moeyan kiye the  usme
 se 170 saal  kam kardeye  the.

 Janab e Moosa a.s ko maboos farmakar  inko firoon la  ke shar
 se nijaad dilai thi.

Isi bina par Imam Sadiq as  ne musalmanoun  se kaha hai ke wo Bani Israel
ki tarh. Imam Mahdi as ki jald az jald   zahoor ke leye khoob duaen kare.
TAFSEER E AYYASHI.V2.154






 Imam Mahdi as  makka  me Masjid al  Haram  se
Khana e Kaaba  se Hajr e Aswad
 ke pass  is tarh zahoor farmaenge  ke

  Imam Mahdi as  ke 313 Ansar  inke hamrah
 honge
BIHAR.V52.P307

inke zahoor ke waqt Jibreel e ameen    Khana e Kaaba ki chatth par buland Awaaz se
 nida karenge  jisko sari dunya sunegi  or wo Imam Mahdi as ki zahoor ka elaan hoga.
SURAH SHURA .A.4

Dunya ke goshe goshe me momineen  unki bayyat or madad ke leye  doud padenge .

Janab e Esa as asmaan se nazil honge ,or aap as ke lashkar me shamil honge.or
inke peeche namaz padhenge.
MUNTAQIB UL ASR.P7

Baaz momineen zinda kiye jaenge  jo Imam Mahdi as ka intezar karte karte is
 dunya se chalegai the wo ap as ki madad karenge .

Jis waqt apke Awaan o Ansar ki tadaad 10 hazar hojaegi  us waqt Hazrat as qayam
 farmaenge
KAMALUDDIN.P74







Makkah ko fatah karke Madina ki taraf  tashrif lejaenge   or waha se koofa jaenge.
or waha qayam farmaenge.
Or Koofa ko apna markaz banaenge
AL GHAIBA SHAIK TOOSI.275

Or phir waha se goshe goshe me apna lashkar rawana farmaenge

Imam Mahdi as ki qusoosiyat ye bhi hai ke wo  kisi bhi mehaz par inka lashkar
 shikast nahi khaega, har jagah fatehyaab hoga.
BIHAR UL UNWAAR.V51.P95

Kyunke  aksar log  inke lashkar ke samne tasleem hojaenge,
Imam Mahdi as ke mojuzaat
Inki nishaniyaan
Inki guftagu
Inka aqlaq

Inki pur kashish shakhsiyat
Inki roohaniyat ko dekhkar  koi inkar nahi karsake ga .

Haan islam ke zabardast  muqalifeen yahoodiyon or dushmanane ahlulbayt as se
 thodi bohat muqalifat or muqa o mat hogi  jo bohat asani se se khatm kardi jaegi.
BIHAR UL ANWAAR.V52.P321

In jangoun or kamiyabiyoun par jaahan roz ba roz Imam Mahdi as ki awan o ansar
 ki tadaad me izafa hota rahega ,wahi asmaan se malaika bhi ap as ki madad
ke lye  nazil honge
BIHAR UL ANWAAR .52.312

iski sath tibbe Qawateen bhi Imam Mahdi as ke sath hongi
BIHAR UL ANWAAR.V52.388

Dushmanoun par khoof o roob tari hoga or jis se wo koi iqdam nahi karpaenge .

In jangoun me Imam Mahdi as ka muqabila zalimoun or sar kashoun se hoga,
wo unse mazloomoun ka haq lenge

Zulm ka inteqam lenge

Kuffar or mushrikeen apne kufr par  israar karenge to khatm  kardeye
 jaenge.

Ahlulbayt as ke dushman zaleel or ruswa honge
BIHAR UL ANWAAR .V52.356

zameen ke goshe goshe par  shia islam  Imam Mahdi atfs  Ki rehbari me nafiz hoga

Allah us din ko jald se jald qareeb kardey😭💔