Lamha e Fikr [Roman english]

Irshad e Ilahi hota hai ki 
mujhe us shaqs par ta'jub hota hai jo mout ka

yaqeen rakhta hai ke wo khush  kis tarh hota hai?

Or jo hisab ka yaqeen rakhta hai wo maal kyu jama
karta hai?

Or jo Qabr ka yaqeen rakhta hai wo  hansta kis tarh
se hai?

 Or jo Dunya ke zawal ka yaqeen rakhta hai wo  isse
mut'maeen  kis tarh hota hai?

Or jo Aqirat or  ki baqa or nee'matoun  ka yaqeen
rakhta hai wo araam kis tarh karta hai?

Mujhe us shaqs se bhi ta'jub hai jo
Zaban ka Alim hota hai Or Dil ka jahil
hota hai.

Ya badan ko pani se paak karleta hai or Dil ko
Iqlas ke zariye paak nahi karta.

Ya logoun ke Aaib talash karne me masroof rehta
hai  or apne Aiboun ki tarf gafil hojata hai.

Ya ye janta hai ke allah usey dekhraha hai or phir
bhi gunah kar raha hai.

Ya use maloom hai ke tanha marna hai,
Tanha qabr  me rehna hai or tanha manzil e hisab
me khada hona hai .

Wo logoun se Dil kis tarh lagata hai.
jab ke sare fana hone wale hai siwai Allah ke

Naiz Irshad  ahadees hai.
Hurf e haq ye hai ki Allah swt ke alawa koi mabood
nahi  hai or Mohammed swa mere bande or rasul hai.

R-AHADITH E QUDSIA[A.ZEESHAN HAIDER JAWWADI].P42